Грузија итно подготвува барање за кандидатски статус во ЕУ

Од:

Шефот на владејачката грузиска партија Иракли Кобахидзе вели дека тамошната влада подготвува итно барање за статус на кандидат за членство во ЕУ, кое утре ќе го достави до Брисел.

Кобахидзе вели дека одлуката е донесена поради „општата политичка ситуација и новата реалност“.

Од почетокот на руската инвазија се одржуваат ноќни улични собири во знак на солидарност со Украина, но и поради гнев од одлуката на грузиската Влада да не се приклучи кон меѓународните санкции против Русија.

Владата во понеделникот одби да дозволи група грузиски доброволни борци да го напуштат меѓународниот аеродром во Тбилиси и да се приклучат на војната во Украина.

Во знак на протест, украинскиот претседател Володимир Зеленски го отповика својот амбасадор во Грузија.

Грузиската Влада стравува да не ја испровоцира Русија, која има воени бази во отцепените грузиски региони Јужна Осетија и Абхазија.

Но, грузиските власти се под притисок во земјата да покажат дека остануваат посветени на пристапувањето во НАТО и ЕУ.

Извор: МИА

Би можело да ве интересира

Русија изврши уште еден голем напад на енергетската инфраструктура низ Украина

Горан Наумовски

Зеленски побара помош од САД против рускиот „воздушен терор“

Грузиските фудбалери ја победија Грција и обезбедија пласман на ЕП

Кулеба го повика Западот да испрати системи за воздушна одбрана „Патриот“ во Украина

Горан Наумовски

Зеленски го разреши секретарот на Советот за национална безбедност

Политико: На Украина очајно и требаат војници