На Шлезвиг-Холштајн Хит во областа Дитмаршен (Германија), група девојчиња на возраст од 14 до 17-години, наводно, со часови мачеле 13-годишно девојче – и сето тоа го снимиле.
Насилните девочиња и истуриле кока-кола врз главата, и гаселе цигари на лицето, и ја запалиле косата, а додека девојката се обидувала да стане, едно од насилните девојчиња почнало да и вика: Седни и моли ми се. Нема да те пуштам така лесно!“. Девојчето плачело и ги молело девојките да не ја удираат по нос, но тие не престанувале. Ова прв го објави Schleswig-Holsteinische Zeitung (SHZ).
Оваа страшна тортура се случила на крајот на февруари, но мајката на девојчето решила да проговори за се дури сега за да ја предупреди јавноста за се поголемиот проблем со насилството што се јавува кај младите.
Полицијата ги идентификувала напаѓачите. Мајката на девојчето рекла дека мачењето било прекинато благодарение на храбрата интервенција на случаен минувач.
“Тој ја препозна опасноста во која е ќерка ми. Многу сме му благодарни”, рекла мајката.
Напаѓачите побегнале кога ја виделе полициската патрола. Сепак, сите тие се идентификувани.