Градските власти во Шангај презентираа распоред на активности за постепено враќање на животот во нормала

Од:

Локалните власти во Шангај работат на повторно отворање и овозможување обновување на нормалниот живот од 1 јуни, откако во 15 од 16-те градски области се сузбиени случаите на инфекција со коронавирусот надвор од карантински услови.

Заменик-градоначалникот Зонг Минг пред медиумите го претстави распоредот на активностите за враќање кон нормала, после шестнеделно затворање.

Властите во Шангај соопштија дека епидемијата во градот е под контрола, но исто така нагласија дека цел е спречување на повторни бранови на инфекцијата така што до 21 овој месец многу од органичувањата остануваат на сила.

Според кинеската политика „нулта толеранција за Ковид-19“ неопходен предуслов за враќање на животот во нормала е целосна елиминација на случаи надвор од областите што се под карантин.

Во градот се планира постепено зголемување на домашните летови и на железничките услуги, а од денеска повторно се отвараат супермаркетите, продавниците и аптеките.

Забраната за движење во Шангај заедно со останатите мерки за справување со Ковид-19 во голем број други градови веќе почна да претставува закана по кинеското стопанство и ги наруши глобачните синџири за снабдувдување.

Извор: МИА

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Земјотрес со јачина од 5,8 степени по Рихтер ја погоди границата меѓу Киргистан и Кина

(ВИДЕО) Голем пожар во Кина, загинаа најмалку 15 лица, 44 се повредени

Горан Наумовски

(ВИДЕО) Товарен брод во Кина удри во мост, има мртви: автомобили и автобус паднаа во реката