Горбачов: Крајот на Студената војна беше заедничка победа, но Западот ја приграби за себе

Од:

Крајот на Студената војна беше заедничка победа, но Западот себеси се прогласи за победник, без размислување како тоа ќе го прифати Русија, изјави поранешниот претседател на СССР Михаил Горбачов за германскиот „Велт ам Зонтаг“, пред одбележувањето на годишнината од падот на Берлинскиот Сид на 9 ноември.

– Прво САД себеси се прогласија за победник, тврдејќи го тоа на сите страни, без размислување како тоа ќе влијае на Русија и на односите меѓу Москва и Западот, истакна Горбачов.

Тој оцени дека Западот почнал да се однесува како сè да му е дозволено – да користи сила без одобрение на Советот на безбедност на ОН, да ги крши меѓународните договори, да воведува сопствени термини…

– Наместо да создадоа нова архитектура на заедничка безбедност во Европа, покрената е експанзија на НАТО и сојузниците се прогласија за гарант на мирот на нашиот континент и надвор од него, истакна Горбачов.

Тој оцени дека Западот не го мина тестот на новата епоха. – Тоа е корен и причина за сите денешни проблеми, смета Горбачов и заклучи дека сега политичарите стануваат свесни дека изолацијата на Русија на сите им наштетува.

Би можело да ве интересира

ВИДЕО: Прв дел од руски ПВО систем испорачан во Србија

Ана Ололовска

САД: Русија шири дезинформации за новиот коронавирус

Ана Ололовска

Сандерс ја предупреди Русија да не се меша во американските избори

Ана Ололовска

ВИДЕО: Лансирани ракети кон руски Сухој над Идлиб, пилотот успеа да ги избегне

Предраг Петровиќ

Песков: Лажни се наводите на американските разузнавачи дека Русија се меша во кампањата во САД

Ана Ололовска

Американското разузнавање тврди дека Русија повторно сака да му помогне на Трамп на изборите

Ана Ололовска