Сопственикот на една погребална фирма во Полска ја налути католичката црква, поради тоа што своите мртовечки сандаци ги рекламира на календар заедно со голи девојки.
„Идејата за календарот е од мојот син. Не сакавме да биде премногу сериозно, туку шаренолико, убаво. Да ја прикажеме убавината на полските девојки и убавината на нашите сандуци“, рече сопственикот на фирмата Збигњев Линднер, пренесува Ројтерс.
„Сакавме да покажеме дека мртовечкиот сандак не е религиски симбол, туку производ. Зошто од нив луѓето се плашат, а не се плашат од облеката, козметичките производи или накитот“, додаде тој.
Календарот може да се купи преку веб-сајтот на погребалната фирма, а секој кој ќе го нарача добива привезок за клучеви во облик на мртовечки сандук.
Католичката црква го осуди календарот, истакнувајќи дека кон смртта треба да се гледа со почит и да не се меша со голотијата.