Голем протест во Берлин против владината одлука за задолжителна вакцинација

Од:

Во Берлин почна голем собир на граѓаните кои се противат на одлуката на германската Влада за воведување задолжителна вакцинација.

Берлинчани од сите страни доаѓаат на протестот пред Бундестагот, германскиот Парламент, каде се расправа за предлогот на владата.

Германија денеска постави нов рекорд по бројот на новозаразени со коронавирус – 164.000 заразени за еден ден. Пред една недела, бројот на новозаразени веќе беше на високи 112.323, а продолжи да расте со ширењето на сојот омикрон.

Во моментов, во Германија, 75 отсто од граѓаните примиле најмалку една доза од вакцината, што е најниска стапка во Западна Европа, бидејќи во другите земји стапката на вакцинаија изнесува од 80 до 86 отсто.

Германскиот Парламент денеска расправа дали, како и соседна Австрија, ќе се воведе обврската за задолжително вакцинирање за сите полнолетни граѓани или само за постарите од 50 години, односно за одредени групи лица.

Во изминатите неколку протести низ Германија за вакцинацијата, на улиците на германските градови имаше жестоки судири меѓу демонстрантите и полицијата.

Извор: МИА

Би можело да ве интересира

Германскиот канцелар Шолц на четиридневна турнеја низ Јужна Америка

Ана Ололовска

Двајца Срби запознале маж преку страница за запознавање, па го убиле

Писториус: 100 милијарди евра не се доволни за покривање на потребите на германската војска

Горан Наумовски

Напаѓачот во возот во северна Германија е осудуван Палестинец, кој пред шест дена излегол од затвор

Во Германија уапсен второосомничен во случајот на шпионирање за Русија

А1он

Напад со нож во воз во Германија, двајца загинати и петмина повредени

Ана Ололовска