Голем пожар избувнa денеска во холандскиот национален парк „Хоге Велуве“, кој се наоѓа на околу 65 километри источно од Амстердам.
Според локалните власти, пожарот, чие гаснење го отежнува силниот ветер што дува во регионот, досега уништил околу 350 хектари површина од овој најголем национален парк во Холандија.
Во гаснењето на огнот се вклучени противпожарни екипи од повеќе холандски градови, како и воени хеликоптери.
Во рамки на националниот парк „Хоге Велуве“ се наоѓа и музејот „Кролер-Милер“, кој е познат по големата колекција на импресионистички слики и скулптури.
Властите инфромираa дека сите присутни во паркот се евакуирани, како и дека музејот „Кролер-Милер“ засега не е загрозен од пожарот.