Германскиот научник Кристијан Дростен предупреди на опасноста од нов вирус, кој би бил своевиден хибрид на новиот коронавирус и вирусот МЕРС, којшто бил можел да предизвика нова пандемија.
Главниот вирусолог на берлинската клиника „Шарите“ вели дека вирусот Мерс-КоВ, според него, е „кандидатот“ за следната пандемија.
Дростен за германскиот портал „Капитал“ изјави дека коронавирусот од науката добил доволно внимание и дека за него се се прави и презема.
Затоа, објаснува тој, има намера да формира мала работна група која ќе биде посветена на новиот вирус.
Инаку, вирусот Мерс (Средноисточен респираторен синдром) спаѓа во групата коронавируси и првпат се појави во 2012 година на Арапскиот полуостров.
Како и коронавирусот и Мерс предизвикува респираторни инфекции, поради што Светската здравствена организација го класифицираше меѓу „приоритетните болести“, на кои им се посветува големо внимание.