Германската полиција ја уапси Елизабет Р., а Обвинителството се сомнева дека таа е водач на група терористи чија цел е да ја дестабилизираат Германија и да киднапираат министер.
Таа терористичка група планирала да ја оштети и уништи постројката за снабдување со електрична енергија, а планирала да го киднапира и министерот за здравство Карл Лаутербах.
Групата се нарекува себеси „Обединети патриоти“, а Елизабет Р. имала водечка улога во административниот дел на таа терористичка организација, која беше разоткриена во април, соопшти обвинителството во Карлсруе.
„Таа беше задолжена за координација и реализација на плановите, учествуваше во набавката на оружје и бараше што побрзо спроведување на плановите. Работела и на регрутирање нови членови“ тврди германското Обвинителство.