Германската полиција приведе 60-годишна жена, за која постои сомнеж дека ставала игли за шиење во пакувањата со мелено месо и останати месни производи, во продавниците на „Лидл“.
Од октомври минатата година полицијата регистрирала 20 случаи на пронаоѓање на игли во пакувања со свежо и преработено месо.
Производите биле купувани во Еутин и Амелент во близина на Лубека, но за среќа никој од потрошувачите до сега не е повреден.
Седумнаесетгодишно девојче открило игла во усните, но за среќа не ја голтнало, додека друга жена поминала со лесна повреда бидејќи го подготвувала оброкот со месо во кое имало игла.
Полицијата не можела да го открие идентитетот на тајниот злосторник, поради што во супермаркетите поставила камери за надзор. Жената е идентификувана откако ја снимиле камерите, но мотивот за овој злобен чин се уште не е познат.
Интересно е тоа што германската јавност не била запознаена со случајот се до минатата недела.
Е. Г.