Германија пак собори рекорд – во еден ден вакцинирани 1,35 милиони луѓе

Од:

Германскиот министер за здравство Јенс Шпан објави дека во средата е постигнат дневен рекорд по бројот на вакцинирани против Ковид-19 во Германија – 1,35 милиони луѓе примиле вакцина тој ден.

Министерот истакна дека новиот рекорд го доведува вкупниот број Германци кои примиле барем една доза на вакцина на 29,8 милиони луѓе или 35,9 отсто од популацијата, додека 8,8 милиони луѓе или 10,6 отсто се целосно вакцинирани со двете дози.

Шпан го оквалификува тоа како „голем чекор напред“.

Претходниот рекорд беше поставен на 5 мај со 1,13 милиони вакцини против коронавирусот дадени за еден ден. Во обид да ја забрза својата програма за вакцинација, Германија минатата недела одлучи да им понуди на сите возрасни вакцини Астра Зенека и од Џонсон и ЏОнсон со што се укинаа претходните ограничувања за возраста. На почетокот на овој месец, Шпан објави дека третиот бран од Ковид-19 во земјата е завршен.

Германија е пред други европски земји како Франција, Шпанија и Полска, но зад Велика Британија, каде повеќе од половина од населението веќе примило барем една доза вакцина против Ковид-19.

Би можело да ве интересира

Блинкен во прва посета на Германија

Ана Ололовска

Вакцината на кубанските експерти покажала ефикасност од 92,28 отсто

Ана Ололовска

По цел еден век, германската армија вработи рабин како верски советник

Жарко Настоски

Бундесбанк: Германците во текот на пандемијата повеќе користеа готовина

Ана Ололовска

Македонците кои примија АстраЗенека во Србија мораат да се ревакцинираат во истиот град

Жарко Настоски

И Брисел и АстраЗенека тврдат дека го добиле судскиот спор околу доцнењето на вакцините

Жарко Настоски