Германија мора да прими назад мигрант депортиран во Грција

Од:

Германија мора да прими назад мигрант, кој е запрен на граница и депортиран во Грција, одлучи суд во Минхен.

Организацијата „Про Асил“ објави денеска дека тоа е прва таква судска одлука, која е донесена една година откако германскиот министер за внатрешни работи Хорст Зехофер постигна договор со Грција за враќање мигранти.

Во пресудата се наведува дека минхенската полиција ги повредила правата на бегалецот. Станува збор за авганистански барател на азил, кој во мај со воз ја преминал границата од Австрија. Германската полиција веднаш одлучила да го депортира во Грција врз основа на базата на податоци на ЕУ, според која тој претходно се пријавил во таа држава.

Сојузната канцеларија за миграција и бегалци не е консултирана во тој случај, а на Авганистанецот не му е овозможен адвокат, тврди „Про Асил“. Бегалецот во рок од 48 часа е испратен назад во Грција, каде бил притворен повеќе од два месеца.

Судот одлучил дека во европското законодавство нема основа за такво делување на полицијата. Службениците на Канцеларијата за миграција и бегалци се надлежни за тој случај, а не полицијата, утврди Судот.

Би можело да ве интересира

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

(ВИДЕО) Пресметка меѓу мигрантите и Националната гарда на Тексас кај Ел Пасо

Ученик во Дрезден испуштил солзавец на час, 30 ученици се пренесени во болница

Германското обвинителство покрена истрага за разговорите за напад на мостот на Крим