Германија и нуди соработка на Русија за да се намали напнатоста околу Украина

Од:

Проширување на економската соработка со Русија на подрачјето на обновливите извори на енергија, би можело да помогне да се намали тензијата околу Украина, порача германскиот министер за економија Роберт Хабек во разговор со германските медиуми.

dobivaj vesti na viber

– Би требало да размислуваме и за нови подрачја на соработка, што може да им помогне и на двете страни да излезат од позицијата на конфликт, изјави министерот во денешното интервју за „Дер Шпигел“.

Коментирајќи ја можноста за исклучување на Русија од меѓународниот платен систем Свифт, членот на Партијата на зелените, кажа дека „општото набројување на санкции“ нема смисла.

Тоа е крајната економска санкција, напомена тој, нагласувајќи дека целта му е да се намали напнатоста.

Водечките руски и американски дипломати треба да се сретнат денеска во Швајцарија за повторно да разговараат околу зголемената напнатост во врска со Украина, откако претходните состаноци не доведоа до напредок.

Германската министерка за надворешни работи Аналена Баербок вчера ја повика Русија да прекине со политиката на зголемување на напнатоста. Баербок предупреди дека во случај на агресивни потези, Русија ќе се соочи со низа санкции.

– Германија е подготвена да ги брани своите суштински вредности во сегашниот ќор-сокак, па дури и ако мора да плати висока економска цена, изјави Баербок во Москва.

Извор: МИА

Би можело да ве интересира

Рускиот Врховен суд ќе одлучи дали Азовскиот полк е терористичка организација

Русија го напушта Советот на државите од Балтичкото Море

Русија планира да ги напушти Светската здравствена и Светската трговска организација

Кремљ го обвинува Западот дека води дипломатска, економска и политичка војна против Русија

Рено продаде удел во рускиот АвтоВАЗ за една рубља

Ана Ололовска

Русија протерува двајца фински дипломати

Ана Ололовска