Германија го осуди руското ограничување на пловидбата во три региони во Црно Море

Од:

Германија денеска ја искритикува одлуката на Русија на неколку месеци да затвори три региони во Црното Море за странски воени бродови.

Ограничувањата стапија на сила во саботата вечерта и ќе важат до 31 октомври, јавија руските медиуми, повикувајќи се на руското Министерство за одбрана.

-Забраната за таканаречениот мирен премин низ територијалните води, што ќе трае толку долго, е невидена и проблематична од гледна точка на меѓународното право, изјави портпаролот на германското Министерство за надворешни работи Кристофер Бургер.

„Што се однесува до меѓународните води и територијалните води на нелегално анектираниот Крим, сметаме дека ова е кршење на меѓународното право“, изјави Бургер во Берлин.

Тој додаде дека Германија ќе продолжи да ги испитува состојбите на теренот и правната позиција на таквата одлука.

Според извештаите на руските медиуми, ограничувањата се однесуваат на областа долж крајбрежјето на Крим, меѓу Севастопол и Гурзуф, реон во близина на полуостровот Керч и подрачје во близина на западниот дел на Крим.

Меѓународната заедница не ја признава анексијата на црноморскиот полуостров Крим, што Русија го анектираше по референдумот во март 2014 година. сд/

Би можело да ве интересира

Истрага против возачот на превртениот германски автобус во кој имаше загинати и повредени

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Русите спречиле терористички напад: ФСБ уапси три лица

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он