Генералното собрание на ОН во септември ќе се одржи со физичко присуство на светските лидери

Од:

Организацијата на Обединетите нации одлучи да им дозволи на светските лидери да присуствуваат на годишниот состанок на Генералното собрание во септември, а оние кои нема да можат да го сторат тоа ќе можат да снимаат говори и да ги испраќаат и оваа година.

Претседателот на Генералното собрание во заминување Волкан Бозкир, поддржувач на средби во живо, синоќа ги извести сите 193 земји-членки на ОН дека се направени значителни напори да бидат домаќини на официјални лица на сесијата од 21 до 30 септември во Њујорк, објави неговиот кабинет

Пандемијата со Ковид-19 минатата година ги спречи светските лидери да дојдат во Њујорк за првпат во 75-годишната историја на ОН. Наместо тоа, претходно снимените говори на лидерите беа прикажани во салата на Генералното собрание.

Оваа година, некои водачи ќе одржат говори лично во собраниската сала, а други ќе испраќаат видеа, изјави за новинарите заменик-портпаролот на ОН Фархан Хак.

Државите членки (193) ќе можат да го одредат нивото на застапеност на состанокот на високо ниво, официјално познат како општа дебата, се вели во соопштението.

„За да се осигура дека сите земји-членки имаат еднаква можност да учествуваат, постои можност земјите-членки да испратат претходно снимена видео-изјава, ако делегациите не можат да пристигнат“, се вели во соопштението.

Постои зголемен притисок од некои земји чии лидери сакаат да дојдат во Њујорк на седницата, но претседателите и премиерите патуваат со големи делегации, што го отвори прашањето за бројот на луѓе што ќе бидат во седиштето на ОН.

За време на седумдневната сесија, обично има илјадници луѓе во комплексот згради на ОН, а се одржуваат стотици придружни собири, за чие одржување сега не се споменува, но дипломатите на ОН очекуваат скоро сите да бидат надвор од комплексот.

Генералниот секретар на ОН рече дека светските официјални лица ќе можат да имаат билатерални средби, како и обично, во зградата на седиштето на ОН.

Би можело да ве интересира

ОН: Околу 350.000 луѓе загинаа во војната во Сирија од 2011 година

А1он

Пендаровски во ОН: Одговорно визионерско лидерство, поголема емпатија, соработка и солидарност

А1он

ОН: Меѓународната заедница да спречи претстојна катастрофа во Мјанмар

А1он

Петте постојани членки на СБ на ОН согласни за тоа што се очекува од талибанците

Ана Ололовска

Шефот на ОН ги повика САД и Кина на дијалог и разбирање

А1он

Администрацијата на Бајден загрижена Генералното собрание на ОН да не се претвори во ковид жариште

Ана Ололовска