Најмалку 193 Палестинци се убиени, а 650 се ранети во Газа откако прекинот на огнот меѓу Хамас и Израел заврши во петокот наутро, изјави портпаролот на Министерството за здравство на Газа.
Израелската армија вчераутро објави дека ги обновила борбените операции против Хамас во Појасот Газа и дека нејзините авиони изведуваат серија воздушни напади врз цели на милитантната група, пренесе Ројтерс.
Исто така, тврди дека Хамас ги прекршил условите на привременото примирје и дека истрелал ракета кон израелска територија непосредно пред истекот на примирјето во шест часот по локално време.