Габриел: Катарската криза би можела да предизвика војна

Од:

Германскиот министер за надворешни работи Зигмар Габриел предупреди денеска дека спорот меѓу Катар и останатите арапски држави би можел да доведе до војна, додавајќи дека се уште верува оти постои шанса за смирување на тензиите.

– Постои опасност дека овој спор би можел да предизвика војна, истакна Габриел за весникот „Франкфуртер алгемајне зонтагсцајтунг“.

Тој додаде дека заострувањето во односите на братските народи и соседски држави во Заливот е „драматично“.

Габриел нагласи дека оваа недела разговарал со колегите од Саудиска Арабија, Катар, Турција, Иран и Кувајт, по што сфатил колку е сериозна ситуацијата.

– Но верувам постојат и добри шанси за напредок, истакна Габриел.

Саудиска Арабија, Египет, Обединетите Арапски Емирати и Бахреин во понеделникот ги прекинаа дипломатските односи со Катар, обвинувајќи го за финансирање на екстремистички групи и поддршка на Иран, а Јемен и Малдиви подоцна им се придружија на тие мерки. Катарските власти ги отфрлаат таквите обвинувања.

Би можело да ве интересира

ВИДЕО: Српски автобус се преврте во Германија, 19 патници се повредени

Жарко Настоски

„Алијанц“: „Поплавата на векот“ ќе не чини 500 милиони евра

Ана Ололовска

Пет лица се сметаат за исчезнати во големата експлозија во Леверкузен

Ана Ололовска

Германски пензионер во подрум чувал нацистички тенк, не знаат за што да го судат

Жарко Настоски

ВИДЕО: Еден загинат, четворица исчезнати по експлозијата во Леверкузен

Ана Ололовска

ВИДЕО: Експлозија во хемиски комплекс во Леверкузен

Ана Ололовска