Фронтекс ги прекинува сите операции во Унгарија

Од:

Европската агенција за заштита на границите Фронтекс соопшти дека ги прекинува сите операции во Унгарија по одлуката на Европскиот суд на правдата, предизвикана од силни критики против системот за азил во земјата.

– Фронтекс ги прекинува сите свои оперативни активности на територијата на Унгарија, изјави Крис Боровски, портпарол на Агенцијата со седиште во Варшава.

– Нашите заеднички напори за заштита на надворешните граници на ЕУ можат да бидат успешни само ако гарантираме дека нашата соработка и активности се целосно во согласност со законите на ЕУ, истакна Боровски.

Во декември минатата година Европскиот суд утврди голем број недостатоци во постапките за азил во Унгарија, вклучително и нелегално одбивање на мигрантите кои пристигнуваат од Србија. Судот исто така оцени дека законите, со кои им се забранува на барателите на азил да останат во земјата во текот на целиот процес, се нелегални и го критикуваше притворањето на мигрантите во „транзитните зони“.

Еврокомесарот за внатрешни работи Илва Јохансон напиша на Твитер дека потегот на Фронтекс е „добредојден“.

Унгарскиот Хелсиншки комитет, невладин набљудувач, вчера соопшти дека Унгарија вратила повеќе од 4.400 мигранти по одлуката на судот на ЕУ.

Би можело да ве интересира

(ВИДЕО) Страотна несреќа на рели во Унгарија: Најмалку четворица мртви

Катерина Ѓуровски

(ВИДЕО) Пресметка меѓу мигрантите и Националната гарда на Тексас кај Ел Пасо

(ВИДЕО) Уапсена е банда која криумчарела мигранти

Бојмацалиев: Намалена илегална миграција за 50 отсто

Приведен криумчар на мигранти: Бегал од полиција, удрил во канделабра

А1он

Пет Кинези илегално влегле во Македонија –добија парична казна, депортација и забрана за влез

Анита Петровска Рајковиќ