Француски синдикат со препорака: Да им ја исечеме струјата на милијардерите и на парламентарците

Од:

Лидерот на моќниот синдикат „CGT“, Филип Мартинез, им порача на демонстрантите кои утре ќе протестираат против најавената реформа на пензискиот систем да внимаваат на куќите на милијардерите и да им го прекинат напојувањето со електрилна енергија, за и тие да почувствуваат неколку дена како живеат Французите кои не можат да си ги платат сметките.

Претставникот на синдикатот за енергија и рударство „CGT“, Себастиен Менесплие, изминатите денови се закани дека ќе им ја исклучи струјата на француските парламентарци.

Портпаролот на француската Влада, Оливие Веран, изјави дека таквите закани се неприфатливи.

Вработените во транспортот, енергетиката и образованието утре ќе излезат на улиците на француските градови за да го изразат својот протест против најавената реформа на пензискиот систем, според која Французите би можеле најрано да се пензионираат на 64-годишна возраст. Според сегашниот закон, Французите можат да се пензионираат најрано на 62 години.

Синдикатите велат дека седум од десет наставници ќе учествуваат во штрајкот, а францускиот министер за внатрешни работи, Жерал Дарманин, рече дека на протестите се очекуваат повеќе од десет илјади полицајци. Третина од сите најавени протести ќе бидат во Париз, а полицијата очекува на нив да учествуваат околу илјада потенцијално насилни учесници на радикалната левица.

Франција има долга традиција на протести против обидите за реформа на пензискиот систем, а еден од најголемите беше во 1995 година, кога милиони граѓани излегоа на улиците.

Извор: МИА

Би можело да ве интересира

Франција ја подигна безбедноста на највисоко ниво

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца

Франција абортусот го прогласи за уставно право

ВИДЕО: Во Франција горат 900 тони литиумски батерии

Во Франција, бројот на случаи на сифилис се зголеми за 110% за две години