Поради јавна навреда на една транспортна компанија, парискиот суд за виновен го прогласи Арно Монтебур, министер во новата влада на Франција. Пресудата била 4 евра. Монтебур како голем противник на глобализацијата и нов министер за опоравување на индустријата, изјавил дека членовите на управата на поморката компанија „Си Франс“ биле „Крадци“.
Судот го осудил Министерот за клевета, а 4-те евра им припаднале на директорите на компанијата.
Монтебур се правдал дека неговите коментари не се навредливи, но членовите на конзервативната партија побараа оставка од него.
И новиот француски претседател се најде во непријатна ситуација бидејќи министрите, пред само една седмица потпишаа кодекс за етичко однесување.