Франција денеска врати 51 жена и дете од камповите во делови на Сирија кои се под контрола на ИД. Тоа е најголемото враќање на Французинки и деца во земјата од поразот на ИД во североисточна Сирија во март 2019 година.
Француското национално обвинителство за борба против тероризмот објави дека групата се состои од 16 жени на возраст од 22 до 39 години и 35 малолетни, од кои седум се враќаат без придружба на возрасни. Сите освен две жени во групата се француски државјани.
Осум жени се приведени на информативен разговор, а уште осум се уапсени. Еден од малолетниците, кој има 17 години, е осомничен за учество во терористички потфат.
Од граѓаните на европските земји, во ИД во Сирија најмногу се приклучиле француски државјани.
Извор: МИА