Франција и Шпанија забрануваат продажба на бензински и дизел возила по 2035 година

Од:

Франција и Шпанија се приклучија на иницијативата да се забрани продажба на бензински и дизел возила по 2035 година, пет години порано отколку што предвидуваше претходниот план, согласно настојувањето да се забрза преминот кон економија со ниска потрошувачка на јаглерод.

Двете земји го дадоа ветувањето на разговорите за климата на КОП27 (COP27) во египетскиот град Шарм ел-Шеик. Tака, Франција и Шпанија се најдоа во групата нови потписници на Декларацијата за возила со нулта емисија, покрената на минатогодишната конференција во Глазгов.

Потписниците, меѓу кои има држави, локални заедници и компании, се обврзаа на 100 отсто продажба на возила со нулта емисија до 2035 година на водечките пазари и до 2040 низ светот.

Вкупниот број потписници на оваа декларација сега изнесува 214, во однос на 130 колку што беа една година претходно.

Креаторите на политиката сакаа да ги намалат или елиминираат емисиите на стакленички гасови од автомобили, камиони и од други форми на транспорт.

Според податоци објавени од Блумберг, годинава ќе биде рекордна за продажба на возила со нулта емисија, при што електричните возила ќе учествуваат со 13,2 отсто од вкупната продажба во првата половина од годината.

Извор: МИА

Би можело да ве интересира

Француската премиерка понуди омекнување на пензиската реформа

Француската полиција уапси Финец, осомничен за кражба на податоци на пациенти

Горан Наумовски

Од полноќ нова цена на дизелот

Ана Ололовска

Уапсен убиец поврзан со Ндрангета, беше во бегство 16 години, последните три бил пица мајстор

Катерина Павлова-Николовска

Поевтинува дизелот

ВИДЕО: Големи протести во Франција против пензиската реформа

Катерина Павлова-Николовска