Фон Фрич: Путин се обидува да предизвика глад во Африка и Блискиот Исток и дестабилизација на Европа

Од:

Рускиот претседател Владимир Путин намерно се обидува да предизвика глад на Блискиот Исток и Африка, изјави поранешниот германски амбасадор во Русија, Рудигер фон Фрич, јави денеска ДПА.

dobivaj vesti na viber

Целта на Кремљ е да ја дестабилизира Европа со масовен прилив на бегалци, изјави Рудигер фон Фрич за неделното издание на германскиот весник „Тагесшпигел“

-Идејата на Путин е дека по колапсот на извозот на житарици од Украина, гладните луѓе ќе ги напуштат своите домови и ќе се упатат кон Европа како милионите Сиријци кои бегаат од ужасите на војната, рече Фон Фрич.

Затоа Русија, додаде Фон Фрич, го блокира извозот на жито од Украина и ги гранатира нивните складишта за жито

-Со новиот прилив на бегалци Русија сака да ја дестабилизира Европа и да го зголеми политичкиот притисок за западните земји да се откажат од својот цврст став кон оваа земја, објасни Фон Фрич.

Станува збор за „новото хибридно војување на Путин“, додава дипломатот.

Овој нов начин на војување вклучува неборбени средства како што се кибер напади и кампањи за дезинформација.

Украина е еден од најголемите производители на жито во светот. Сепак, поради руската инвазија и наметнатата блокада на украинските пристаништа, житото не може да се извезува.

Германската Влада соопшти дека Русија ја спречува Украина да извезе 20 милиони тони жито, главно од пристанишниот град Одеса во Северна Африка и Азија.

Извор: МИА

Би можело да ве интересира

Рјабков: Негативно гледаме на плановите на Шведска и на Финска за НАТО

Ана Ололовска

Санчез до Путин: Нема да победиш во војната против Украина

Ана Ололовска

Косачев: Прекршување на човековите права е одбивањето на Норвешка да дозволи руски товар до Свалбард

Ана Ололовска

Столтенберг: Русија е директна закана за безбедноста на членките на НАТО

Ана Ололовска

Путин сака да ги подобри односите со талибанците во Авганистан

Ана Ололовска

Џонсон: Путин да беше жена, немаше да ја нападне Украина

Ана Ололовска