Фон дер Лајен сведочи во истрагата за германското Министерство за одбрана додека била министерка

Од:

Претседателот на Европската комисија Урсула фон дер Лајен денеска ќе сведочи пред Одбор на германскиот Парламент што истражува дали имало престапи во ангажирањето надворешни експерти во Министерството за одбрана во времето кога таа била министерка.

Истрагата во парламентот треба да утврди дали се почитувани процедурите при склучувањето аранжмани со надворешните експерти за работа во министерството.

Опозициските пратеници, исто така, поставија прашање за бришењето податоци од два мобилни телефони што Фон дер Лајен ги користела, јавуваат американските медиуми.

Таа кажала дека телефоните ги вратила во министерството и дека не знаела дека податоците се избришани.

Со сведочењето на Фон дер Лајен ќе биде завршено изведувањето сведоци, во текот на кое за околу една година беа сослушани околу 30 лица.

Фон дер Лајен беше министерка за одбрана на Германија од крајот на 2013 година до неочекуваната номинација за шефица на Европската комисија, во јули минатата година.

Би можело да ве интересира

Германија продолжува да го зголемува извозот на оружје

А1он

Првите клинички тестови за вакцината против Ковид-19 во јуни во Белгија и Германија

Ана Ололовска

Од утре задолжителен карантин во Германија за лица кои доаѓаат од странство

Ана Ололовска

Јенс Шпан ги истакна условите според кои компаниите во таа држава може наскоро да продолжат со работењето

Ана Ололовска

Германија/Ковид-19: Се зголемува бројот на заразени и на починати

Ана Ололовска

Германската Влада одлучи да го отежне преземањето на германските фирми надвор од ЕУ за време на пандемијата

А1он