Фон дер Лајен: ЕУ обезбедува над 15 милијарди евра за борба против Ковид-19 во трети земји

Од:

Претседателката на Европската комисија, Урсула фон дер Лајен, попладнево најави дека ЕУ ќе обезбеди над 15 милијарди евра за да им помогне на земјите надвор од Унијата да се справат со пандемијата на Ковид-19 и нејзините последици.

– Африка би можела за неколку недели да биде соочена со истата состојба што ја имаме во Европа и ќе им биде потребна помош како што нам ни беше потребна, изјави преку видео порака Фон дер Лајен.

Европската унија, вели таа, е решена да ја води борбата против вирусот и социоекономските последици од пандемијата на глобално ниво и да им помогне на третите земји да се справат со оваа закана.

– Затоа обезбедуваме над 15 милијарди евра да им помогнеме на партнерите во светот, а повеќе пари ќе дојдат и од националните власти во вистински тимски европски дух, за да се покријат итните потреби на здравствените системи, како и на економиите за да се поддржат работниците, нагласи претседателката на ЕК.

Би можело да ве интересира

Медицинското списание „Лансет“ го повлече истражувањето за хлорокинот

Ана Ололовска

Министерка од Мадагаскар сменета заради изразена недоверба во чајот од пелин

Ана Ололовска

Од утринава се отвораат границите меѓу Унгарија, Австрија, Чешка и Словачка

Ана Ололовска

Преглед на состојбата со коронавирус во светот

А1он

Од полноќ Австрија целосно ја отвора границата кон Словенија

А1он

Француска анализа тврди дека децата ретко се преносители на Ковид-19

А1он