Финска и Естонија бараат од европските држави да не им издаваат туристички визи на Русите

Од:

Естонија и на Финска ги повикаа европските држави да не издаваат туристички визи за Русите, нагласувајќи дека не треба да им биде овозможено да летуваат во европските летувалишта додека руската армија ја напаѓа Украина.

Естонската премиерка Каја Калас на Твитер напиша дека „посетата на Европа е привилегија, а не човеково право“ и оти е време да бидат запрени туристите од Русија.

Финската премиерка Сана Марин изјави за финските медиуми дека не е во ред Русија да врши агресија на европско тло, а истовремено Русите да живеат нормално и да патуваат низ Европа.

Естонија и Финска се членки на ЕУ и се граничат со Русија. ЕУ ги прекина сите летови за Русија, но Русите се уште можат да влезат во тие земји по копнен пат, а потоа авионски да патуваат низ Европа.

Извор: МИА

Би можело да ве интересира

Стоп за возилата со руски таблички во Финска

Естонија и Молдавија избраа евровизиски претставници

А1он

Русија распиша потерница за естонската премиерка

Финска има нов претседател

300.000 Финци штрајкуваат – затворени фабрики, продавници, градинки…

Русија ќе ги распореди најновите хаубици во близина на финската граница