Без судски или друг налог, податоците од интернет страниците кои граѓаните ги посетувале во изминатиот период би можеле да бидат достапни и за ФБИ.
Во текот на гласањето на амандманот од „Патриотскиот закон“ во САД, американскиот Сенат се согласи на агенцијата да и овозможи пристап врз податоците околу „интернет историјата“, без претходно истата да добие соодветен налог.
Следната недела би требало повторно да се гласаат делови од „Патриотскиот закон“ кој се однесуваат токму на надзорот врз интернет историјата на корисниците во САД.
Некои од сенаторите се уште се борат против оваа одлука иако минатиот пат нивниот предлог за ограниченост на пристапот кон интернет историјата беше одбиен поради немање на доволен број на гласови.
Групата на сенатори укажуваат дека овозможувањето на пристапот до податоците на интернет корисниците од страна на ФБИ е исто како и шпионирање на нивните мисли и тотално ја нарушува нивната приватност.
Тие сметаат дека надзорот би требал да се врши само кога постојат соодветни причини и со налог.
Ставот го потврди американскиот сенатор Рон Вајден.
„ Во секој случај, бидејќи нашиот предлот е одбиен од Сенатот, сега веќе не постои никаква препрека за ФБИ и сличните агенции да имаат директен пристап кон податоците на сите нас“, додаде Вајден.