ФАО: Цените на храната пораснале рекордно, најмногу поради војната во Украина

Од:

Цените на прехранбените производи, како растителното масло и житариците, постигнале рекордно ниво во изминатиот месец, соопштија денеска од ОН.

dobivaj vesti na viber

„Со тоа постои закана од глад и неухранетост на милиони луѓе во Африка и на Блискиот исток“, се наведува во соопштението.

Причината за така високите цени на храната во основа е поради „огромните прекини во снабдувачката“, поврзани со војната во Украина.

Организацијата за храна и земјоделие на ОН (ФАО) изјави дека нејзиниот индекс на цени на храната што ги следи месечните промени на цените на кошничка производи минатиот месец бил во просек 159.3 поени, што е за 12.6 отсто повеќе од февруари. Притоа, февруарскиот индекс веќе бил на највисоко ниво од 1990 година, од кога се објавува индексот.

Од ФАО изјавија дека војната во Украина е причина за покачените цени на житариците како пченицата, овесот, јачменот, но и пченката.

Русија покрива 30 отсто од светската побарувачка на пченица, додека Украина покрива 20 отсто од светската побарувачка на пченица и пченка соодветно. Двете земји сега не ги извезуваат овие производи. Русија поради внатрешна забрана од страна на Москва, Украина поради инвазијата на руските сили, прекинот на транспортот, но и прекинатата сеидба во источните делови на земјата.

Околу источната граница на Украина и Русија се наоѓа „црноземје“, огромна плодна област каде се одгледуваат житарици и секакви други земјоделски производи.

Од ФАО велат дека поради мошне високите цени на прехранбните производи земјите треба да преземат итна акција тие да се намалат.

Извор: МИА

Би можело да ве интересира

ВИДЕО: Цени растат – плати исти, кој се богати додека граѓаните тонат во сиромаштија?

Анита Петровска Рајковиќ

ФАО соопшти дека од Украина испловил првиот брод со жито за Јемен

Ана Ололовска

СДСМ: Промоција на македонските вина, храна и туризам преку Отворен Балкан

Светската криза со храна ќе се влошува, луѓето плаќаат повеќе за основните потреби насекаде

А1он

Научниците тврдат: Доколку дојде до нуклеарна војна, Австралија и Аргентина ќе имаат најмногу храна

А1он

Втор ден Отворен Балкан во Тирана: Обезбедување храна и струја пред почетокот на кризната зима