Фајзер тврди дека ќе ја нормализира испораката на вакцини во ЕУ по 15 февруари

Од:

Компанијата Фајзер соопшти дека оваа недела ќе се врати на првичниот план за испорака на вакцини за ЕУ, што значи и за Хрватска, и оти испораките ќе бидат зголемени од 15 февруари, пишува загрепски „Вечерњи лист“.

Денешната најава уследи откако Фајзер на крајот од минатата недела соопшти дека ќе ги намали испораките на вакцини за 60 проценти, што предизвика големо незадоволство во ЕУ и нејзините членки, како и притисок од Брисел.

– Поради итна потреба за имунизација на голем број луѓе, истражувавме иновативни начини да го зголемиме бројот на дози што можеме да ги испорачаме оваа година и сега веруваме дека потенцијално можеме да испорачаме приближно две милијарди дози до крајот на 2021 година, изјавиле од фармацевтската компанија за „Вечерњи лист“.

За да се постигне тоа, сега се потребни одредени модификации на производствените процеси.

– Оваа недела ќе се вратиме на првичниот распоред на испораки во Европската унија, вклучувајќи ја и Хрватска, додека зголемените испораки ќе почнат на 15 февруари. Така, целосно ќе го исполниме договорот и ќе ги испорачаме договорените количини на вакцини во првиот квартал, додека тие ќе бидат значително поголеми во вториот, соопштија претставници на компанијата Фајзер.

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Европската Комисија ќе обезбеди општи рамковни услови за почеток на преговорите со Украина за пристапување во ЕУ

ЕУ за А1он: Измените на Законот за игри на среќа не упатуваат ниту на ограниченото европското законодавство

Александар Тодески