Европската Унија скептична за укинувањето на патентите за вакцини

Од:

Европската унија е скептична во врска со корисноста од укинување на правата на интелектуална сопственост на вакцините против Ковид-19 како начин за борба против пандемијата, но е подготвена да разговара за конкретен предлог, рече претседателот на Европскиот совет, Шарл Мишел.

Според него, вистинскиот начин за борба против пандемијата е да се произведат повеќе вакцини што е можно побрзо и да се укинат ограничувањата за извоз на вакцините во земји како што се САД и Велика Британија.

Тој додаде дека овие земји произведуваат вакцини, но не ги продаваат на други.

– Во Европа решивме да го олесниме извозот и ги охрабруваме сите партнери да го олеснат извозот на вакцини, рече Мишел на вториот ден од самитот на ЕУ во Порто, Португалија.

Јужна Африка и Индија први и предложија на Светската трговска организација (СЗО) укинување на патентите на вакцините против Ковида-19, а тоа го поддржаа и голем број земји во развој.

Според Светската здравствена организација, минатиот месец се примени 700 милиони дози вакцина ширум светот, но само 0,2 проценти од нив се во сиромашните земји.

Дебатата за ова прашање повторно се отвори во средата кога американскиот претседател Џо Бајден ја поддржа идејата, под услов да се спроведе под покровителство на Светската трговска организација.

Би можело да ве интересира

Османи: Владата останува максимално посветена во реализација на полноправно членство до 2030 година

Катерина Ѓуровски

Мишел: Земјите-членки на ЕУ треба да дејствуваат заедно против енергетската криза

А1он

Мишел: ЕУ подготвена да спречи понатамошна ескалација на ерменско-азербејџанската граница

А1он

Европската агенција за лекови ја препорача адаптираната бустер вакцина на Фајзер

Русија разви вакцина против новите варијанти на коронавирусот

Катерина Ѓуровски

Мишел: Брод со украинско жито ќе се упати кон Африка

А1он