Во рамки на глобална полициска акција спроведена во 103 земји, уапсени се 101 човек и пронајдени се 19.000 украдени археолошки и уметнички дела, соопшти Европол.
Во операцијата наречена „Атина 2“ разбиена е мрежа за криумчарење уметнички дела украдени од земјите погодени од војна, но и од музеи и археолошки наоѓалишта.
Меѓу пронајдените предмети има монети од различни периоди, керамички предмети, оружје, фосили и слики.
Во акцијата покрај Европол учествуваше и Интерпол, како и полицијата и царината на Авганистан, Шпанија, Колумбија, Аргентина и Литванија.