Според градскиот совет на Краков, нивото на Висла во Краков моментално е 372 сантиметри (2 сантиметри над нивото на предупредување). Предвидено е зголемување на нивото на водата до 400 см. Нивото на аларм е 520 см.
Полските медиуми јавуваат дека водата веќе почнала да навлегува во Краков, а градоначалникот најавил дека ќе прогласи вонредна состојба.
#Krakow #Wisła #poziomwody Obecnie poziom wody na Wiśle to 377 cm (wodowskaz Bielany).
Według prognoz dziś może zostać osiągnięty poziom 400 cm.
Od godziny 13:30 15.09.24 obowiązuje w Krakowie #PogotowiePrzeciwpowodziowe.📸 @JanGraczynski @IMGW_CMM @IMGWmeteo… pic.twitter.com/jWs8FEfjK6
— Kraków (@krakow_pl) September 15, 2024
Циклонот Борис предизвика поројни поплави низ Европа. Обилните врнежи, силниот ветер и снегот ги парализираа Полска, Унгарија, Австрија, Чешка, Словачка и Романија. Центарот на циклонот Борис се движи кон Суботица.
Според последните податоци, во поплавите во Романија загинале пет лица, а оштетени се околу 5.000 куќи. Стотици луѓе се евакуирани во 19 региони на земјата.
Поради поплавите предизвикани од обилните врнежи, децата во Австрија и Полска утре нема да посетуваат настава.