Евробарометар: Заштитата на климата важна за 94 отсто Европејци

Од:

Последната анкета на Евробарометар покажува дека за 94 отсто од европските граѓани, заштитата на климата претставува приоритет, a 91 отсто сметаат дека климатските промени се сериозен проблем.

ЕK утре треба да го обелодени предлог-законодавството за климата познат како „Закон за климата“.

Резултатите од анкетата на јавното мислење во ЕУ покажува дека граѓаните бараат од европските и националните власти да сторат повеќе за заштита на животната средина .

Климатските промени се најважниот аспект од животната средина за 53 отсто од испитаниците, а 46 отсто одговориле дека тоа е загадувањето.

Околу 80 отсто од граѓаните на ЕУ сметаат дека одговорноста пред сѐ лежи кај големите компании и индустријата кои не прават доволно да спречат климатски промени, додека 67 отсто сметаат дека граѓаните не се доволно активни на ова поле.

А, 33 отсто сметаат дека треба да го смениме начинот на кој консумираме за да ја заштитиме животната средина, додека 31 отсто оценуваат дека е потребна промена на начинот на производство и трговија.

Над три четвртини изјавиле дека проблемите со животната средина имаат директни последици врз нивниот живот и нивното здравје, додека 89 отсто се загрижени за ефектот на пластиката врз околината.

Што се однесува до мерките кои граѓаните ги очекуваат од националните и европските власти, 72 отсто сметаат дека нивните влади не прават доволно за животната средина и климата, а 68 отсто сметаат дека ЕУ не прави доволно.

Точно 67 отсто од граѓаните очекуваат мерки за олеснување на рециклажата на пластика, а ист број граѓани сакаат намалување на пластичните амбалажи.

Дури 88 отсто сметаат дека облеката што се произведува треба да биде потрајна, а 74 отсто граѓани бараат да се промовира повеќе носењето на веќе користена облека, наместо да се купува нова, 77 отсто сакаат алиштата да се произведуваат со рециклирани материјали.

Би можело да ве интересира

Гутереш: Климатските промени го зголемуваат ризикот од насилни конфликти

А1он

Гутереш апелира да се спречи климатската катастрофа

А1он

Пандемијата со Ковид-19 не го забави напредокот на климатските промени

Катерина Павлова-Николовска

Нуредини: Имаме амбициозни национални цели за намалување на влијанието на климатските промени

А1он

Повеќе од 200 милиони луѓе би можеле да мигрираат до 2050 година поради климатските промени

А1он

ОН: Бројот на климатски катастрофи петпати поголем за 50 години

А1он