ЕУ: Така наречената инагурација на Лукашенко е без легитимитет

Од:

Европската Унија соопшти дека новиот мандат на Александар Лукашенко на местото претседател на Белорусија нема демократски легитимитет.

ЕУ повтори дека претседателските избори во Белорусија, што се одржаа на 9 август не биле ниту слободни ниту фер и оти ЕУ не ги признава фалсификуваните резултати.

Шефот на дипломатијата на ЕУ, Жозеп Борел истакна дека вчерашната така наречена инагурација на Лукашенко е спротивна на волјата на голем дел од Белорусите и оти тоа служи само за понатамошно продлабочување на политичката криза во Белорусија.

– Ставот на ЕУ е јасен: белоруските граѓани имаат право слободно да ги изберат тие кои ќе ги застапуваат на нови инклузивни, транспарентни и веродостојни избори, истакна Борел.

Тој повтори дека очекува белоруските власти да се воздржат од какви било понатамошни репресии и насилство против белорускиот народ и безусловно ослободување на сите преитворени лица.

По изборите во Белорусија секојдневно се одржуваат антивладини протести, а опозицијата тврди дека се фалсификувани резултатите.

Би можело да ве интересира

Добитниците на Нобеловата награда бараат ослободување на политичките затвореници во Белорусија

Во Белорусија, први избори од 2020 година, лидерот на опозицијата е во егзил: Тоа е фарса, шоу, циркус

Горан Наумовски

Лукашенко сака патроли со огнено оружје на белоруските улици

Путин: Белорусија стана нуклеарна сила

Масовни рации во Белорусија: 159 луѓе „на мета“

Украинците тврдат дека спречиле упад на руски диверзанти од Белорусија

Катерина Ѓуровски