ЕУ со предупредување до Лондон поради неназначувањето еврокомесар

Од:

Европската комисија денеска испрати писмо со официјално предупредување до Велика Британија, со што почна постапка против неа поради неименувањето кандидат за новиот состав на тоа извршно тело на ЕУ.

„Европската комисија денеска испрати официјално писмо до Велика Британија поради кршење на обврските од Договорот за ЕУ, односно бидејќи не номинираше кандидат за функцијата комесар на ЕУ“, велат од Комисијата.

Лондон има рок до 22 ноември да одговори на писмото.

Новата Европска комисија би требало да стапи на должност на 1 декември.

Британскиот амбасадор при ЕУ Тим Бероу вчера ја известил Европската Комисија дека Лондон нема да понуди британски еврокомесар пред 12 декември.

Избраната претседателка на ЕК, Урсула фон дер Лајен, побара од британската Влада да предложи комесар, согласно европските повелби, бидејќи земјата е сѐ уште формално членка на ЕУ најмалку до 31 јануари 2020.

Меѓутоа, британските закони не дозволуваат назначување на високи функционери во меѓународни организации во предизборен период. Изборите се закажани за 12 декември, а Брегзит треба да се случи на 31 јануари 2020.

Би можело да ве интересира

Велика Британија очекува Кина да се придржува кон меѓународното право

А1он

Заев не очекува интервенции во преговарачката рамка за членство во ЕУ

А1он

Белгија ги повика земјите од „Белата листа“ да ги почитуваат условите ако сакаат нејзините граници да бидат отворени

А1он

Лиу: Велика Британија се меша во внатрешните работи на Кина

Ана Ололовска

Велика Британија ќе го намали ДДВ во угостителскиот сектор

Ана Ололовска

Британија подготвена сама да воведе санкции за човекови права

Ана Ололовска