ЕУ се согласи да ја зголеми целта за намалување на емисиите во 2030 година на 55 проценти

Од:

Лидерите на ЕУ27 се согласија да ги намалат емисиите на јаглерод за најмалку 55 проценти до крајот на деценијата, во споредба со нивото од 1990 година, што е голем чекор напред од сегашната цел.

– Европа е лидер во борбата против климатските промени, напиша на Твитер претседателот на Европскиот совет, Шарл Мишел.

– Одлучивме да ги намалиме емисиите на гасови кои предизвикуваат ефект на стаклена градина за најмалку 55 проценти до 2030 година, додаде тој.

Договорот доаѓа по повеќе од 10 часа преговори кои траеја од синоќа до рано утрово.

Зголемувањето од сегашната цел од 40 проценти беше предложено од Европската комисија во септември и наиде на отпор во некои држави на ЕУ, како Полска која зависи од јаглен.

Претседателката на Европската Комисија Урсула фон дер Лајен го поздрави договорот.

– Новата цел нè става на јасен пат кон неутралност на климата во 2050 година, рече таа.

Европскиот парламент, кој и самиот се залага за малку повисока цел, мора да ја одобри новата одлука.

Би можело да ве интересира

ИКС: Да зборуваме повеќе за животната средина во време на растечка еколошка криза

Стојковски: Несовесни граѓани во моментот се главните причинители за загадување на воздухот

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

СДСМ: Градоначалниците на ДПМНЕ не преземаат ништо против загадениот воздух во Скопје,

Катерина Ѓуровски

Шукова: Граѓаните да користат суво дрво, 45 отсто од загадувањето доаѓа од домаќинствата

Орце Костов

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов