ЕУ повлече седум милиони маски бидејќи не се безбедни

Од:

Европската унија повлече седум милиони маски, внатре во блокот, бидејќи не ги задоволуваат безбедносните стандарди и не заштитуваат адекватно од новиот коронавирус, соопшти европскиот Одбор за внатрешен пазар и заштита на потрошувачите по одржаната седница.

Според хрватскиот европратеник Томислав Сокол, до наплив на фалсификувани заштитни маски на европскиот пазар, кои најчесто се од Кина, дошло поради „оптовареност“ на вообичаениот синџир на снабдување и големата побарувачка за заштитна медицинска опрема во последните месеци, откако со тоа почнале да се занимаваат различни сомнителни компании.

– Се плашам да помислам уште колку поминале под радарот за време на големата побарувачка на заштитна опрема, која траеше во екот на борбата против коронавирусот, нагласи Сокол.

На прашањето какви се тие маски кои не ги задоволуваат стандардите, Сокол одговори дека станува збор за производи, за кои производителот тврди дека имаат заштитен потенцијал против честици, но нивниот капацитет за филтрирање нема сертификат од соодветно европско тело.

Сопственикот на компанијата за производство на медицинска опрема „Медитекс“, Роберт Чрњевиќ истакна дека најсигурен начин е да се побара ознаката „CE“ на амбалажата, со што ќе се знае дали ги задоволува стандардите.

Сепак, најдобар начин е таквите производи да се контролираат при увозот, односно инспекцијата на граница да ги провери сите ознаки, кој го нарачал производот и дали е регистриран за продажба.

Би можело да ве интересира

(ВИДЕО) Скандал во Хрватска: Медицински лица без маски лумпувале со жива музика во ковид болница

Жарко Настоски

Се појавуваат докази дека новиот тип на коронавирусот е посмртоносен, вели Борис Џонсон

Жарко Настоски

И натаму расте бројот на починати од ковид-19 во Британија

Жарко Настоски

Грција го продолжи карантинот за една недела, од 1 февруари се отвораат средните училишта

Жарко Настоски

Во Италија пад на бројот на новозаразени и починати од Ковид-19

Жарко Настоски

Вицепремиерот Димитров ја потпиша Рамковната спогодба за превод на правото на ЕУ