ЕУ повикува на смирување на тензиите на Блискиот Исток

Од:

Европската Унија ги повикува сите засегнати страни во регионот на максимална воздржаност и почитување на меѓународното право.

Апелот на Европската Унија доаѓа по инцидентот со израелскиот дрон кој се урна во јужниот дел на Бејрут, бастион на шиитското либанско воено движење, Хезболах, кое Израел го смета за терористичка група.

Дронот кој се урна во Бејрут бил вооружен, а либанскиот претседател, Мишел Аун, порача дека овој чин го смета за “изјава за војна“ од страна на Израел и дека неговата земја си зема право да се одбрани ако биде потребно.

Израел од своја страна не ги коментира обвинувањата на официјален Бејрут и на Хезболах за дронот, но оваа последна ескалација предизвика загриженост во ЕУ.

– Одговорност на сите страни во регионот е максимално да се воздржат, да го почитуваат меѓунаордното право и да избегнат натамошна ескалација на потенцијално опасна и деликатна ситуација, стои во соопштението на Европската служба за надворешна акција.

Европската Унија ги повика сите страни да се држат до релевантни резолуции на Обединетите Нации.

– ЕУ продолжува да ја поддржува стабилноста, безбедноста и суверенитетот на Либан и е во блиска координација со нашите меѓународни партнери во оваа цел. На крајот, не може да има унилатерално или воено решение за проблемите на Блискиот Исток, порачува ЕУ.

Би можело да ве интересира

САД и Германија ги предупредија Израелците да не ја напаѓаат Рафа

Британците првпат со падобрани испорачаа помош во Газа, испратија порака и до Израел

Катерина Ѓуровски

Израел не дозволува конвои со храна да минуваат до северниот дел на Газа

Катерина Ѓуровски

Советот за безбедност на ОН не ја усвои американската резолуција со која се бара итен прекин на огнот во Газа

САД предлага итен прекин на огнот во Газа

Ахмети: Александар Дугин, главата на руските политики има партија во Македонија