ЕУ: Забраната на ЦГТН во Британија и на Би-Би-Си во Кина се различни работи

Од:

Забраната за емитување на Би-Би-Си во Кина и претходната забрана за емитување во Велика Британија на кинескиот телевизиски канал ЦГТН се „сосема различни работи“, рече портпаролката на ЕУ за надворешна политика, Набила Масрали, одговарајќи на прашање на кинески новинари.

– Не сакам да ги споредувам овие два сосема различни случаи. Нашата изјава ја видовте на 11 февруари, кога Кина го забрани емитувањето на Би-Би-Си во земјата, поточно во врска со извештаите за пандемијата во Кина. Во неа, ние потенциравме дека ова е уште една акција на Кина за ограничување на слободата на говорот и слободата на пристап до информации, рече Масрали.

На 11 февруари, кинескиот национален регулатор објави дека Би-Би-Си ги крши принципите на кредибилитет и непристрасност, поради што нема да прифати апликација за емитување на телевизијата за следната година.

Пред една недела, кинеското Министерство за надворешни работи побара Би-Би-Си да даде јавно извинување за „неверојатната вест и политизацијата на пандемијата“ на коронавирусот.

Причината за ова беше извештајот објавен на крајот на јануари во кој се нагласува дека кинеските власти „со недели тврдеа дека епидемијата на Ковид-19 е под контрола“, додека во исто време вирусот веќе започна да се шири.

На настанот му претходеше одлука на британскиот регулатор за медиуми „Офком“, кој ја одзеде лиценцата на кинескиот телевизиски канал на англиски јазик ЦГТН. Според причините за одлуката, сопственикот на лиценцата Star China Media Limited го крши британското законодавство со тоа што не ја контролира уредувачката политика на компанијата.

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Светските медиуми испратија писмо до израелските власти, меѓу нив BBC, CNN, AFP

Земјотрес со јачина од 5,8 степени по Рихтер ја погоди границата меѓу Киргистан и Кина

(ВИДЕО) Голем пожар во Кина, загинаа најмалку 15 лица, 44 се повредени

Горан Наумовски