ЕУ и Јапонија заеднички против пандемијата и за економското закрепнување

Од:

Лидерите на Европска Унија и на Јапонија на денешната видео-конференција го потврдија стратешкото партнерство за решавање на глобалните прашања, при тоа нагласувајќи дека ќе продолжат да ги интензивираат блиските билатерални одноци.

– Стратешкото партнерство помеѓу ЕУ и Јапонија е засновано на долгогодишна соработка и заеднички вредности, а бележи успех во многу клучни области, како што е политичката соработка, трговијата и инвестициите, дигиталната трансформација, заштитата на климата и безбедноста, се наведува во зедничкото соопштение на ЕУ и Јапонија.

Јапонскиот премиер, Шинзо Абе и претставниците на Европскиот совет, Шарл Мишел и на Европската комисија Урсула фон дер Лајен ја нагласија важната улога на партнерството на Јапонија и ЕУ во закрепнувањето од последиците од пандемијата со Ковид-19.

Во заедничкото соопштение се истакнува дека за победа против вирусот и економското закрепнување потребни се глобална солидарност, соработка и ефикасен мултилатеризам.

Лидерите ја потврдија посветеноста на глобалната соработка и континуираното финансирање на антивирусните лекови, дијагностиката, лекувањето и вакцината да бидат достапни до сите.

Токио и Брисел ја нагласија својата одлучност да обезбедат економското закрепнување да биде засновано на принципите на обновлива, одржлива и отпорна економија.

Абе, Мишел и фон дер Лајен упатија апел за воздржување од непотребните ограничувања на патувањата и извозот.

Би можело да ве интересира

САД се наоѓаат во слободен пад, бројот на заразени се зголемува, тврди американски здравствен експерт

Ана Ололовска

Главниот епидемиолог на Пакистан е позитивен на коронавирусот

Ана Ололовска

Во Албанија од Ковид-19 почина уште еден лекар

Ана Ололовска

Фуџитсу воведува трајно работење од дома

Ана Ололовска

Полициски час во некои градови во Косово поради коронавирусот

Ана Ололовска

Јовановиќ: Се уште ми е неопходен кислород за да ги одморам белите дробови кои се борат со вирусот

Ана Ололовска