ЕУ го поздрави подобрувањето на односите со САД

Од:

По низата средби меѓу претставници на ЕУ и на САД во последните денови, Брисел изразува задоволство од подобрувањето на односите, јави дописничката на МИА од Брисел.

Телефонски разговор меѓу американскиот и францускиот претседател, средбата меѓу шефовите на дипломатиите на двата блока и новата заедничка здравствена иницијатива се неколкуте чекори преземени во последните денови на релација Брисел – Вашинтон.

Откако односите меѓу партнерите се оладија со најавата за создавање нов воен сојуз помеѓу САД, Австралија и Обединетото Кралство, двата блока во последниов период се обидоа да воведат комуникација.

Претседателката на Европската Комисија, Урсула фон дер Лајен и американскиот претседател, Џо Бајден, најавија евро-американска иницијатива вчера за да се подобри стапката на вакцинираност на целиот свет и да се воведе здравствена безбедност на глобално ниво преку засилена соработка.

Европската Комисија исто така го поздрави соопштението издадено по разговорот помеѓу францускиот претседател Емануел Макрон и Бајден и изрази задоволство што се воспостави повторно комуникација.

Официјален Париз е гневен од одлуката на Австралија да откаже нарачка на француски подморници поради воениот сојуз со Лондон и Вашингтон. По разговорот меѓу Макрон и Бајден, двете страни издадоа соопштение во кое се поздравува американската стратегија за Индо-пацификот и се нагласи потребата за одбранбена автономија на Европската Унија.

Истовремено во Вашингтон се остварени низа средби на претставници на највисоко ниво на САД и ЕУ, рекоа од Европската Комисија.

-Ова е во согласност со гледиштето на Фон дер Лајен дека пријателите и сојузниците треба да се вклучат заемно во носењето одлуки, сојузниците треба да разговараат едни со други и Европската Комисија ќе разговара со земјите членки на ЕУ и со САД за идните чекори, изјави Ерик Мамер, портпарол на Европската Комисија.

Би можело да ве интересира

Бајден: Белите расисти се најголемата терористичка закана за САД

А1он

Путин: Ако Русија ги напушти Советот на Европа или ОБСЕ, би можеле да следат и други земји

А1он

Анже Логар пред ЕП: Патот на земјите од Западен Балкан кон ЕУ нема да биде автопат, туку мал пат со многу кривини

А1он

Во Брисел почнува дводневен самит на ЕУ – главни теми се Полска и цените на енергијата

А1он

Редовен октомвриски самит на лидерите од ЕУ

Ана Ололовска

Бајден загрижен поради кинеските хиперсонични ракети

Ана Ололовска