Ерменските авиокомпании додадени на црната листа на ЕУ

Од:

Европската Комисија ја ревидираше црната листа на авиокомпании, кои имаат забрана за летање на територијата на ЕУ, на која се додадени сите авиокомпании од Ерменија, јави дописничката на МИА од Брисел.

Црната листа ги содржи сите авиокомпании кои не ги исполнуваат меѓународните критериуми за безбедност.

Одлуката да се додадат сите ерменски авиокомпании следува по сослушувањето на ерменската комисија за цивилно воздухопловство, како и на шест ерменски авиокомпании.

На црната листа се додадени и авиопревозници од Конго Бразавил, од Демократска Република Конго, Киргистан, Либија, Непал и Сиера Леоне.

– Одлуката да се додадат ерменските авиопревозници е донесена едногласно по мислење на Комитетот за воздухопловна безбедност. Европската Комисија останува на располагање за соработка и инвестирање во Ерменија за да ја подобри својата авио-безбедност, изјави еврокомесарката за транспорт, Адина Валеан.

По денешната одлука од сега 90 авиокомпании, шестнаесет земји се забранети во ЕУ поради недоволно безбедна контрола од страна на воздухопловните власти во тие земји. Шест индивидуални компании се на црната листа – Авиор Ерлајнс од Венецуела, Блу Винг Ерлајнс од Суринам, Иран Асеман Ерлајнс, Ираки Ервејс, Медвју Ерлајнс од Нигерија и Ер Зимбабве.

За три компании се воведени оперативни рестрикции и смеат да летаат во ЕУ само со одредени авиони, станува збор за Ер Сервис Коморес, Иран Ер и Ер Корио од Северна Кореја.

Би можело да ве интересира

Ерменски амбасадор тврди дека борци од Блискиот Исток влегуваат во битката за Нагорно Карабах

Ана Ололовска

Продолжуваат судирите во Нагорно Карабах

Ана Ололовска

Светските лидери бараат прекин на судирите во Нагорно Карабах

Ана Ололовска

Глобалфајрпаур: Азербејџан има поголеми воени капацитети од Ерменија

Ана Ололовска

Азербејџан: Стотици загинати ерменски војници

Ана Ололовска

Целодневни судири во Нагорно-Карабах, се бројат мртви на двете страни

А1он