Во Ерменија под целосен карантин е ставен градот Багаршапат, што има околу 46.000 жители, со цел да се запре ширењето на новиот коронавирус, соопшти денеска премиерот Никол Пашињан.
Во Ерменија досега се регистрирани 28 инфицирани лица, од кои 18 од Вагаршапат, еден од најважните релгиозни и културни центри. Вагаршапат се наоѓа 30 километри западно од Ереван.
Мерката предвидува дека локалните жители ќе можат да го напуштат градот само откако ќе им се измере телесна температура.
Пашињан истакна дека дополнително ќе се разговара за пролонигирање на референдумот за уставни реформи, што е закажан на 5 април.
Во Ерменија во моментот 200 лица се под карантин. Првиот случај на Ковид-19 беше регистриран на 1 март, откако пациентот оздраве.