Турција се подготвува за создавање гасен центар преку кој ќе се доставува гориво во Европа, изјави турскиот лидер Реџеп Таип Ердоган.
Неговиот говор денеска беше емитуван на телевизијата ТРТ. „Рускиот претседател Владимир Путин, како што знаете, предложи природен гас да се доставува до Европа преку Турција. Се подготвуваме во оваа насока“, рече Ердоган.
На форумот „Руската енергетска недела“, тој наведе дека е можно да се изгради уште еден систем на гасоводи и да се создаде центар во Турција преку кој ќе се снабдува гас за трети земји, особено европските, доколку покажат интерес за тоа. Ова прашање беше разговарано за време на средбата на Путин со Ердоган во Астана на 13 октомври во рамките на Самитот за интеракција и мерки за градење доверба во Азија.