Ердоган: Турција ќе го даде на суд Вашингтон ако не ги добие американските ловци

Од:

Претседателот на Турција Реџеп Тајип Ердоган изјави дека ќе побара помош од меѓународен арбитражен суд ако Вашингтон не ги испорача веќе платените од Анкара американски ловци-бомбардери „Ф-35“.

dobivaj vesti na viber

Турција за ловците веќе платила 1.25 милијарди долари.

-Ако тие направат погрешен чекор, тогаш ние ќе покренеме процедура пред меѓународна арбитража, ќе бараме да ни ги вратат уплатените пари, изјави Ердоган во интервју за јапонскиот весник „Никеи“.

Според турскиот претседател, во зделката Турција не е само купувач туку и партнер за производство на ловците-бомбардери. Според него, земјата произведува повеќе резервни делови за „Ф-35“.

На самитот на Г-20, што од утре стартува во Осака, Јапонија, предвидено е Ердоган да се сретне со неговиот американски колега Доналд Трамп.

-Ќе ги разгледаме и испораките на американско оружје и ќе разговараме за односите помеѓу двете земји, додаде тој.

Според него, нема законска основа за воведување санкции од САД кон Турција поради набавката на рускиот ракетен систем, бидејќи договорот со Москва во вредност од 2.5 милијарди долари бил склучен пред воведувањето на законот Спротивставување на противниците на Америка преку санкции (КААТСА).

Американската страна и претставници на НАТО повеќепати досега укажаа дека се против тоа Анкара да набави ракетен систем С-400. Како аргумент, тие посочуваат дека руското оружје не може да биде интегрирано во системот на противракетната одбрана на НАТО. Турција е членка на воената алијанса.

САД неодамна укажаа дека како последица од набавката на С-400, Вашингтон ќе го ревидира договорот со Турција за ловците, а можно е и воведување санкции против Анкара.

Би можело да ве интересира

Чавушоглу оди во Израел, прва посета по 15 години

Ана Ололовска

Турција го повика на разговор американскиот амбасадор

Ана Ололовска

Бајден: САД се подготвени на сите потези на Северна Кореја

Ана Ололовска

Бајден во Токио ќе ја засилува Индо-пацифичката соработка

Ана Ололовска

Саливан: САД сакаат да го продлабочат економското партнерство со Тајван

Ана Ололовска

Илјадници Турци протестираа во Истанбул против затворската казна за опозиционерката Чанан Кафтанчиоглу

Ана Ололовска