Ердоган на средби со Путин и Трамп: Нема одложување на испораката на руски ракетни системи

Од:

Турскиот претседател Реџеп Тајип Ердоган денеска на самитот Г-20 во Осака имаше билатерални состаноци со претседателите на Русија и САД, Владимир Путин и Доналд Трамп.

Главна тема на состаноците беше испораката на руски одбранбени ракетни системи С-400 на Турција, на што Вашингтон се противи.

Руската агенција ТАСС пренесува дека Ердоган на состанокот со Путин порачал дека нема никакви одложувања во испораката на тоа оружје.

– Нема одложување во процесот на испорака, рече Ердоган.

Како што пренесуваат светските агенции, Трамп, пак, по состанокот со Ердоган изјавил дека САД се наоѓаат во „комплицирана“ ситуација околу тоа како да одговори на договорот меѓу Турција и Русија за испораката на С-400, истакнувајќи дека е разговарано и за можни санкции.

Сепак, Трамп изразил разбирање за ставот на турскиот претседател и ја обвини администрацијата на поранешниот американски претседател Барак Обама дека Турција ја условувале кога Анкара сакала да набави американски ракети „Патриот“.

– Бараме различни решенија. Тоа е проблем, околу тоа нема дилема, рече Трамп.

Би можело да ве интересира

Втор случај на заболен од новиот коронавирус во САД

Повеќето Американци ја поддржуваат одлуката за убиството на Сулејмани

Лукашенко: Нема да потклекнеме на притисокот на Москва за обединување

Доналд Трамп денес ќе учествува на „Маршот за живот“

Голема количина вино се излеа во река во Калифорнија

Ана Ололовска

Силна експлозија во Хјустон, едно лице повредено

Ана Ололовска