Најмалку две лица загинаа, а 12 се повредени во денешна експлозија во близина на Министерството за надворешни работи на Авганистан, според болницата што ја води италијанска невладина организација во Кабул.
„Примивме некои пациенти“, рече Стефано Соза од италијанската невладина организација Emergency, која раководи со хируршки центар специјализиран за третман на воени жртви во центарот на Кабул.
🔴 #Afghanistan: Explosion in #Kabul near the Ministry of Foreign Affairs #MOFA. Our Surgical Centre has received 12 wounded patients, including a child, and 2 other victims already dead on arrival.
— EMERGENCY NGO (@emergency_ngo) March 27, 2023
Во твитот на невладината организација се наведува дека меѓу повредените има најмалку едно дете. Се вели дека инцидентот се случил во близина на зградата на Министерството за надворешни работи.
Двајца сведоци изјавија за Ројтерс дека голема експлозија одекнала во близина на добро чуваната област во која се сместени неколку владини згради и странски амбасади. Портпаролите на полицијата, Министерството за информации и Министерството за надворешни работи не одговорија веднаш на барањата за коментар.
Причината за експлозијата се уште не е позната.