Градоначалникот на Киев Виталиј Кличко вечерва соопшти дека во западниот дел на главниот град на Украина се слушнале експлозии и дека се запалила продавница.
„Експлозии во главниот град, во областите Оболон и Свијатосин. Сите служби излегоа на местото на настанот. Детали – подоцна“, напиша Кличко на својот канал на Телеграм.
Регионалната воена управа на Киев потсети дека предупредувањето за воздушна закана сè уште е во сила и ги повика жителите на главниот град и регионот да останат во засолништата.