ЕК со предлози до земјите членки за да се ублажи шокот од енергетските цени во ЕУ

Од:

Европската комисија денеска презентираше неколку алатки со кои земјите членки можат да го ублажат ценовниот енергетски шок за најранливите категории на граѓани.

Предлозите во форма на комуникација не претставуваат структурен одговор, но Европската комисија ветува дека ќе ги преземе сите мерки што ги има на располагање за да се осигури дека енергетскиот пазар не се манипулира од страна на економските чинители.

Што се однесува до конкретните мерки што земјите членки можат да ги преземат за да го ублажат ценовниот шок без да ги нарушат ЕУ правилата на краток рок, земјите членки имаат можност да обезбедат ваучери за најсиромашните домаќинства, да дозволат доцнење во исплатата на фактурите, да обезбедат привремени намалувања на цените, или пак да дадат државна помош за компаниите но во согласност со правилата на ЕУ за државна помош.

Еврокомесарката за енергија, Кадри Симсон, изјави дека секоја земја се соочува со специфичен енергетски микс и специфична социјална слика и дека Европската Комисија не може да наметне едно решение за сите.

На долг рок ЕК сака да воведе структурни мерки за да не се повторуваат енергетски ценовни шокови како овој, рече еврокомесарката, меѓу другото преку зголемување на уделот на обновливите извори на енергија во енергетскиот микс.

-Како што излегуваме од пандемијата и нашите економии заздравуваат, важно е да се заштитат најранливите потрошување и да се поддржат европските компании. Комисијата им помага на земјите членки да преземат непосредно мерки за да ги намалат последиците врз домаќинствата и бизнисите оваа зима. Истовремено идентификувавме и мерки на среден рок за да обезбедиме поотпорен и пофлексибилен енергетски систем, рече Симсон.

Еврокомесарката за енергија додаде дека ситуацијата е вонредна и дека енергетскиот пазар на ЕУ е функционален, но дека за да продолжи да биде, Европската Унија треба да го реализира Зелениот пакт и со тоа да ја зајакне својата енергетска независност.

Би можело да ве интересира

Царината со добро ниво на подготовка за следење на европските царински правила и процедури

Ана Ололовска

ЕК: Делумно исполнети препораките за образованието, пандемијата влијаеше на напредокот на реформите

Ана Ололовска

ЕК не ја доведува во прашање способноста на Вархеји како комесар за проширување

Ана Ололовска

Фајнанс тинк за Извештајот на ЕК: Оценката за економскиот амбиент е значајно воздржана

Ана Ололовска

ЕК: Генералната клима поволна за слободата на медиумите во С. Македонија, неповолните услови во кои работат новинарите ги прават ранливи на самоцензура

Ана Ололовска

Заев: Извештајот ја нагласува цврстата и одлучна имплементација на ЕУ реформите

Ана Ололовска