Европската комисија препорача да се продолжат флексибилните регулативи за државна помош до крајот на годината, за да се даде повеќе време на економијата за да се опорави од негативните ефекти од пандеммијата со Ковид-19.
Флексибилните регулативи требаше да останат во сила до крајот на минатата година, а во октомври ЕК ги продолжи до крајот на јуни 2021 година.
ЕК предложи тие да бидат продолжени за уште шест месеци – до крајот на 2021 година, што укажува на можноста за нивно прилагодување.
– Вториот бран на пандемијата продолжува да има силно влијание врз нашите животи и на компаниите ширум Европа и им треба дополнителна помош за надминување на кризата, изјави потпретседателката на ЕК Маргарет Вестагер.
ЕК, исто така, предложи зголемување на максималниот износ на државна помош за компаниите и претворање на веќе одобрените инструменти за финансирање, вклучително и заеми, во директна помош.
Земјите од ЕУ веќе исплатија милијарди евра помош за компаниите според олабавените европски регулативи, јави ДПА.